Aktori i estradës shqiptare, Sejfulla Myftari i mirënjohur për rolin e tij si “Cekja i Beratit”, nëpërmjet një bisede telefonike për emisionin radiofonik “Chaud Patate”, ka zbuluar arsyet e vërteta pse nuk i është përgjigjur pozitivisht ftesës për t’u bërë pjesë e grupit të aktorëve të ‘Portokallisë”. Ai është shprehur se ka marrë disa ftesa nga autorët e programeve, por nuk ka pranuar sepse së pari ai nuk jeton në Tiranë dhe duke njohur natyrën e tij, ai nuk e ndien se mund të jetë i gatshëm të merret çdo javë me të njëjtin spektakël. Siç e ka thënë edhe vetë aktori: “Më pëlqen të jem elektron i lirë”./revistawho.com
