Chrissy Teigen ka kaluar një periudhë shumë të vështirë pas humbjes së bebit të saj pak javë më parë. Modelja ka rigjetur forcën dhe i është rikthyer sërish jetës normale pas traumës që kaloi. Së fundmi Chrissy ka publikuar në Instagram një video ku tregon një arush dhe një kuti të bardhë me fjongo, brenda të cilës është hiri i bebushit që ajo humbi pas një hemorragjie. “Kjo është gjëja më e bukur që kam parë ndonjëherë. Ne sapo morëm hirin e foshnjës Jack, me një fjongo të shenjtë”-tha 34-vjeçarja.
Chrissy mësoi edhe vajzën e saj, Luna të përballet me humbjen e bebit që do t’i bashkohej familjes. Ajo publikoi edhe një video ku vogëlushja 4-vjeçare shfaqet duke thënë: “Ky është bebi Jack dhe ky është arushi Teddy. Unë jam Luna. Si ja kaluat sot?”
Chrissy u shpreh se videot e saj mund të duken si “të çuditshme”, por ajo donte t’i postonte ato për të kujtuar gjithmonë bebushin. Modelja tha se ajo ka menduar shumë për Jack dhe shtoi: “Shtëpia jonë është shumë e hapur për jetën, vdekjen, pikëllimin, gjithçka. Ne përpiqemi t’i shpjegojmë gjërat dhe t’i përgjigjemi çdo pyetjeje në një mënyrë të bukur, shpirtërore”.
