Çifti i famshëm i ‘Hollywood’, George Clooney dhe gruaja e tij, Amal gjithnjë dallohen për veprat e tyre në ndihmë të fëmijëve dhe shtresave në nevojë. Këtë e kanë vërtetuar sërish nëpërmjet një veprimi që jo çdokush mund ta bënte. Së fundmi të ftuar në një intervistë për “My next Guest Needs No Introduction”, ata kanë rrëfyer se si kanë ndihmuar një të ri i cili po përpiqej ti shpëtonte ‘ISIS’. George dhe Amal jo vetëm që kanë mundësuar që ai të largohej nga Iraku, por gjithashtu ata kanë bërë të mundur që ai të shkonte në SHBA dhe të fillonte të studionte në ‘Univeristetin e Çikagos’. Gjithashtu ata theksuan se pavarësisht çdo gjëje, e rëndësishme është të vendoset drejtësi, por jo një drejtësi e cila vendoset nëpërmjet dhunës. /revistawho.com
