Çifti presidencial rrëfen jetën në Shtëpinë e Bardhë, e cila i ka ndarë nga njëri-tjetri

Jill dhe Joe Biden po përshtaten me një jetë të re në Shtëpinë e Bardhë, por nuk është e lehtë. Në një intervistë për “Vogue”, çifti tregon se koha ka qenë një sfidë për ta sepse janë të dy shumë të zënë.
“Duhet të përpiqemi më shumë për të patur kohë për njëri-tjetrin. Qoftë edhe për të ngrënë darkë. Ndonjëherë e hamë darkën në ballkon. Mbrëmë e konsumuam darkën në dhomën e verdhë ovale. Ndezëm qirinj, biseduam dhe i larguam telefonat”-tregoi Jill.
Ndërkohë presidenti Biden tha se Shtëpia e Bardhë ka ndryshuar marrëdhënien e tyre pasi kalojnë shumë kohë larg njëri-tjetrit.
“Më mungon ajo. Jam krenar për të, por nuk jemi si më parë. Kur jetonim në Delaëare, një herë në muaj largoheshim për një udhëtim romantik për të kaluar kohë me njëri-tjetrin. Por tani kam gjëra për të bërë për veten dhe për vendin. Kur jam duke punuar unë ka kohë ajo, kur nuk jam duke punuar unë, ajo ka punët e saj. Duhet të gjejmë kohë për njëri-tjetrin”-u shpreh Biden.