Nëse do të kishin mundësi të zgjidhnin mes seksit dhe ushqimit, gratë do të kishin zgjedhur këtë të dytën.
Ky është konkluzioni i një studimi të zhvilluar në Francë, në të cilin 74% e vajzave të pyetura kanë thënë se mes dy alternativave do të kishin zgjedhur të shkonin në një restorant për drekë ose darkë në vend që të kryenin marrëdhënie seksuale.
Sipas të përditshmes britanike “Daily Mail”, në total kategoria “ushqimi” ka marrë koefiçentin 7.1 nga 10, në vend të 6.7 që është vlerësuar seksi.
Seksologu Xherard Lelu ka hedhur dritë mbi këto statistika, ndërsa thekson se si seksi dhe ushqimi janë të lidhura ngushtë me njëra-tjetrën. Dallimi i vetëm sipas tij ka një konotacion erotik. Kjo pasi ushqimi është i lidhur me vetëkënaqësinë: jemi ne ata që zgjedhim se çfarë do të hamë dhe sasinë që do të hamë, nga ana tjetër, në seks kënaqësia është dypalëshe dhe duhet të merren parasysh dhe dëshirat e partnerit.
