Gjatë një rrëfimi emocional në Big Brother VIP Kosova 3, këngëtari Gjesti ka ndarë një histori të dhimbshme nga e kaluara e tij profesionale. Ai tregoi se ish-menaxheri i tij i ka vjedhur 100 mijë euro, çka e çoi në një periudhë të vështirë dhe një pauzë në karrierën e tij.
“Më ndodhi një gjë me ish-menaxherin. Nuk më rrinte shumë pranë. Edhe pse DJ im dhe unë e bëmë gjithë punën atë natë, ai nuk mori asnjë cent. Ish-menaxheri i mori 100 mijë euro dhe u zhduk,” tregoi Gjesti.
Ai shtoi se ky incident pati ndikim të madh në jetën dhe karrierën e tij:
“Kur e mori kanalin tim, pauzova për nëntë muaj. Isha në gjendje të rëndë. Paratë i kisha bërë me djersë dhe i dërgoja te familja. Kurrë s’ka për t’i parë hajrin.”
Gjesti e përshkroi këtë përvojë si një mësim të hidhur për të ardhmen:
“Kam marrë një mësim shumë të mirë: kur hyn paraja në mes, njerëzit tregohen shumë të këqij.”
