Pas asaj që pamë në Met Gala me veshjet, ndarja e çmimeve “Emmy Awards 2021″na riktheu shijen e veshjeve rrëzëllitëse, që qëllon t’i shohim vetëm në evente të tilla.
Ylli i “Queen’s Gambit” Anya Taylor-Joy,e cila mbante krenarisht një fustan të mrekullueshëm “Dior Haute Couture’ kombinuar guximshëm me një pallto, mori gjithë vëmendjen e mediave.
Catherine Zeta-Jones e veshur nga Cristina Ottaviano, Kate Winslet që mbante një fustan “Armani”, Kerry Washington veshur nga Etro dhe Kaley Cuoco me krijim të Vera Wang, bën që të gjithë të kthenin kokën drejt tyre.
Për shkak të pandemisë së COVID-19, eventi u zhvillua me një numër të kufizuar të ftuarish, rreth 500 persona, ndërsa të gjithë të pranishmit duhet të tregonin certifikatën e vaksinimit dhe një rezultat negativ të testit së Covid. Serialet “The Crown” dhe “The Mandalorian” kryesuan nominimet e “Emmy Awards 2021”, secili me nga 24 të tillë./revistawho.com
