DailyMail: “Cherie e Tony Blair janë pasuruar në Shqipëri”

Sebastian Shakespeare për Daily Mail ka shkruar mbi mënyrën se si u pasurua bashkëshortja e ish – kryeministrit britanik, Tony Blair, i cili është këshilltar i qeverisë shqiptare. Dhe Shqipëria është një ndër burimet e pasurisë së zonjës Blair. “E themeluar në vitin 2011 nga Cherie, Omnia, kompania e zonjës ishte burim debati kur u zbulua se ishte paguar 500 mijë sterlina për konsulencë ligjore nga qeveria shqiptare”, vijon më tej Shakespeare. “Debati lindi për shkak të rolit të Tony Blair si këshilltar i kryeministrit shqiptar Edi Rama, që prej vitit 2013… Shqipëria nuk është i vetmi vend ku Omnia është angazhuar. Ajo është paguar 400 mijë sterlina për 6 muaj punë në Kazakistan, për rishikim të “marrëveshjeve tregtare bilateral. Thuhet se Cherie është paguar 975 sterlina në orë”.  Ata janë akuzuar shpesh për fshehjen e të ardhurave nga biznesi privat i tyre.