Ish-banori i ‘Big Brother Albania’, Damiano Agalli ishte i ftuar pasditen e sotme në studion e ‘Ftesë në 5’ me Bieta Sulon. Duke treguar se si ka qenë jeta e tij pas pjesëmarrjes në shtëpinë më të famshme, Agalliu ka zbuluar detaje të reja nga jeta e tij private. Ai ka treguar se në muajin dhjetor ka kurorëzuar dashurinë në martesë me partneren e tij, Sarën.
Damiano tregoi se në fillimet e lidhjes me Sarën ka qenë shumë i qetë dhe i ka marrë gjërat shtruar. Megjithatë ai pranoi se biseda në kafe me Sarën dhe familjarët e saj, ishte momenti kur u bind plotësisht se ajo ishte vajza e duhur për të kaluar jetën.
“Sara ishte me shumë edukatë dhe mënyra se si fliste për familjen e saj, si i respektonte dhe unë mendoja që nëse një femër respekton babain, nënën, vëllain, ty do të të respektojë njëqind përqind”, përfundoi Damiano.
Çifti gjithashtu zbuloi se po përgatisin dokumentat për të jetuar të dy në Suedi, vendi ku Damiano qëndron prej vitesh./revistawho.com
