Seriali më i ri në televizionin ‘Klan’, ‘Dashuri Bardh e Zi’ ka rrëmbyer menjëherë vëmendjen e publikut shqiptar. Një tematikë mjaft interesante, dashuria e një doktoreshe, Asllë, dhe një vrasësi me pagesë, Ferhat. Asllë ka parë një skenë kur Ferhati plagosi një person dhe për këtë arsye Ferhat e detyroi që të martohej me të.
Albert Dumani, Drejtor Programacioni në ‘TV Klan’ , i ftuar në emisionin ‘Rudina’ ka treguar se çfarë do të ndodhë në seritë e ardhme të serialit. Ai ka zbuluar se Asllë përpara se të martohej me Ferhatin ka pasur një të dashur tjetër dhe i vinte keq që e la pa një shpjegim. Por rastësisht në spital ajo shikon ish-të dashurin e saj pranë një fëmije dhe një gruaje tjetër dhe aty zbulon se ai ka qenë i martuar dhe madje me një fëmijë.
Pas kësaj Asllës i vjen keq për veten se si ka mundur të mashtrohej aq lehtë. Dumani nuk ka dëshiruar të tregojë më shumë detaje nga seritë e ardhshme, por ai ka thënë se Asllë dhe Ferhat shumë kohë më vonë do të bien në dashuri, por nëse dashuria do të vazhdojë apo ata do të divorcohen do të zbulohet më vonë. /revistawho.com
