Rihanna duket se ka gjetur lumturinë me Asap Rocky, pas kaq kohësh nga ndarja me Hassan Jameel. Burime pranë këngëtares tregojnë se ajo dhe reperi janë bërë të pandashëm dhe kanë gjetur shumë gjëra të përbashkëta. Nuk jemi çuditur aspak nga kjo, pasi Rihanna dhe Asap ishin shokë prej shumë vitesh. Kështu ata e njohin shumë mirë njëri-tjetrin dhe dinë si ta bëjnë të lumtur.
“Është një lidhje e re, por ata e kanë marrë shumë seriozisht”-tha një burim pranë çiftit.
I njëjti burim tha se Rihanna dhe Asap kanë shkuar gjithmonë mirë me njëri-tjetrin dhe e njëjta gjë po ndodh dhe tani. Përveç karrierës ata po ndihmojnë edhe komunitetet ku janë rritur. Në Ditën e Falenderimeve, Asap dhuroi ushqim për 120 të pastrehë në Harlem ndërsa Rihanna ka ndihmuar vendasit e saj në Barbados me fondacionin Clara Lionel Foundation.
“Asap është shumë bujar, kështu është dhe Rihanna”-tha burimi, një tjetër pikë e përbashkët kjo mes dyshes.
