Dasma e një nga çifteve më simpatikë, Sarës dhe Ledionit do të mbahet mend gjatë si një nga dasmat më të veçanta, për shkak të vendit ku u mbajt dhe privatësisë. Por çifti është kujdesur që edhe dekori t’i lërë të gjithë pa fjalë, pasi të jepte përshtypjen e një përralle, ashtu siç dashuria e Sarës dhe Ledionit e meritonte. Ka qenë pikërisht dekori që ka tërhequr jo vetëm vëmendjen e të ftuarve, por edhe nga kompanitë ndërkombëtare të organizimir. Sipas Class në faqen zyrtare të Even Planner të dasmës, komentet kanë qenë vetëm pozitive. Plansheti i zi, tavolinat pasqyrë, qirinjtë, shandanët me lule, abazhurët gjigant mbi tavolinë, dhe tenda me drita janë disa nga elementet e dekorit të dasmës së Sarës dhe Ledionit.
