Mezi pritet eventi i vitit në Britaninë e Madhe, pikërisht dasma e princ Harry me Meghan Markle që do të zhvillohet në 19 maj. Me siguri ju kujtohet lajmi që qarkulloi para pak ditësh, për kërcënimin që u ishte dërguar çiftit të ri. Ndaj Markle mori menjëherë masa.
Për këtë çështje ka folur ish-roja i princeshës Diana, Ken Wharfe. “Unë mendoj se vetë fakti se një incident i tillë ka ndodhur, dhe kjo pako e ardhur për Meghan Markle është pranuar, dërgon një mesazh. Dhe ju e dini, duhet të jemi shumë vigjilentë, duke pasur parasysh faktin se Harry dhe Meghan janë individë të profilit të lartë. Por ne në këtë botë jetojmë dhe kemi ata që i quajmë ‘individë të fiksuar’ që janë të vendosur në një farë mënyre apo në një tjetër për të prishur atë mirësi…
Nga përvojat e mia personale, dhe duke folur me kolegët brenda disa javëve të fundit Scotland Yard dhe forcat policore fqinje që do të jenë pjesë e këtij operacioni do të jenë shumë të vetëdijshëm se sa e rëndësishme është të sigurohet që asnjë gur të mos mbetet i palidhur. Ata do të garantojnë që siguria të mos komprometohet”, -ka thënë Wharfe për ‘Entertainment Tonight’./revistawho.com
