Vetëm pak ditë më parë ata të dy konfirmuan ndarjen nëpërmjet disa postimeve në Instagram. Por ndonëse fshinë fotot me njëri-tjetrin nga rrejete sociale, duket se Olsi dhe Fjorentina e “Big Borther” nuk i kanë vënë përfundimisht një gur përsipër lidhjes së tyre. Dyshja po vijon të japë mesazhe të koduara në Instagram që po ngrënë dyshime të shumta se ata mund të jenë gati për t’u rikthyer së bashku. Shenjat e para duket se i ka dhënë vetë Olsi, i cili së fundmi ka postuar disa video ku shihet duke dëgjuar këngën më të re të reperit Stresi, me titull “Më fal 2”. Duke qenë se Olsi ka miqësi me reperin, fillimisht kjo u mendua se do të ishte vetëm një nxitje për promovimin e këngës. Por postimet e Olsit me këngën që vetë Stresi ia dedikoi ish të dashurës në përpjekje për ta rifituar vijuan dhe sikur të mos mjaftonte kjo, të njëjtën këngë ka postuar së fundmi dhe Fjorentina.
Rastësi? Këto në fakt duken më shumë si kode mes çiftit që shprehin pendesën për ndarjen që tashmë po ngre dyshimet se në fakt mund të ketë qenë sa për show. Pyetja është: A do ta zgjasin edhe shumë këtë “ndarje”?/Xing.al
