Robert Berisha ka publikur një këngë të re, të cilën ja ka dedikuar nënës së tij.
I ftuar në emisionin “Ora Shtatë”, këngëtari ka treguar pak për detajet e përgatitjes së kësaj kënge, e cila ka titullin “NANË”.
“Është një projekt që ma kanë bërë dy shokët e mi, Iliri dhe Kreshniku nga Ferizaj. Një muaj pasi që mami ka ndërruar jetë, kam qenë në Amerikë dhe më thanë dëgjoje këtë këngë. Unë jam munduar t’u iki atyre këngëve që janë të dhimbshme dhe që tingëllojnë turqisht. Kam dashur diçka më artistike, më ndryshe. Kur e kam dëgjuar demon, kam thënë ‘Kjo është’. Dhe teksti më është përshtatur shumë. Kam pritur ta bëjë një vit, prandaj s’kam lansuar ndonjë projekt tjetër”, tha Roberti.
Ndërsa më tej theksoi se dëshira e tij ishte që e ëma ta dëgjonte këngën sa ka qenë gjallë.
