Ditën e djeshme në ‘Top Channel’ është transmetuar promo e një emisioni të ri i cili do të transmetohet në fashën orare kur dilte në transetim programin ‘Pop Culture’ sezonin e kaluar.
Ky emision do të prezantohet nga gazetari Denis Dyrmjaja dhe do të titullohet ‘Top Talk’ me tematikë aktualitetin, politikën ku çdo ditë do të ketë një të ftuar që do të intervistohet.
Por me prezantuesit e emisionit të mëparshëm, Pop Culture’ çfarë do të ndodhë? A do të largohen ata nga ‘Top Channel’?
https://www.instagram.com/p/Bm_Ki_EnWAP/?taken-by=topchannelalbania
I kontaktuar nga ‘Prive.al’, Klevi Kadilli nuk ka dashur të flasë për këtë fakt. Ndërsa bashkëprezantuesja e tij, Dojna Mema ka konfirmuar vazhdimësinë e saj në program dhe në ekranin e ‘Top Channel’.
‘Jo, programi nuk është mbyllur, përkundrazi do vijë me shumë ndryshime dhe surpriza, një ndër to është edhe orari i transmetimit’-ka thënë prezantuesja.
Klevi dhe Dojna kanë qenë dyshja televizive që u dalluan për një kimi të menjëhershme që në fillim të sezonit të kaluar. Le të shpresojmë që do të jenë sërish bashkë edhe këtë vit.\revistawho.com
