Të gjesh rrugën përmes së cilës do të krijosh të ardhmen tënde, nuk është e thjeshtë. Duhet punë, punë dhe më shumë punë. Teksa kërkojmë të gjejmë pikërisht atë, rrugën e duhur, kryqëzohemi me një prej profesioneve më atraktive të viteve të fundit, profesionin e agjentit imobiliar. Dhe për të qenë një i tillë sigurisht që duhet të marrësh këshilla nga më të mirët. Tirana ka atë, Linda Korën, agjenten e suksesit, të çmimeve, të triumfeve, të së ardhmes së artë. Nëse po kërkoni të bëheni një agjent imobiliar, lexoni më parë këshillat e Lindës:
- Duhet krijuar një marrëdhënie korrekte me klientin. Kjo në fund çon në sukses të padiskutueshëm. Agjent nuk të bën shitja e një prone të vetme, por krijimi i një karriere në këtë fushë.
- Listimi i një pune paraprake, duke e bërë pronën të shitshme shpejt, duke orientuar klientët me çmimet e tregut, duke vlerësuar pronën nga ana fizike dhe duke nxjerrë në fund çmimin ideal.
- Marketimi i pronës në të gjitha kanalet e mundshme. Kjo i jep agjentit dhe klientit akses më të gjerë.
- Mbajtja e një “database” për të gjithë llojet e klientëve, duke punuar në mënyrë të vazhdueshme me ta.
- Ndjekja e vazhdueshme e klientëve të vjetër, duke i kujtuar herë pas here pronat e reja që dalin në treg, në rastin e blerësve dhe nga ana tjetër për shitësit, duke bërë një raport për klientët që janë të interesuar për pronën e tyre.
- Duhet të ndjekësh trajnime të njëpasnjëshme për të mësuar gjithçka që duhet për këtë industri.
- Krijimi i marrëdhënieve të mira me kolegët, me ata që kanë vite në industri, por edhe ata që sapo futen në këtë fushë.
- Menaxhimi i mirë i kohës, duke krijuar një rutinë, kështu do të ketë kohë për gjithçka dhe të marrësh frytet e punës në fund të ditës.
- Në fillim të vitit është me rëndësi vendosja e një targeti personal, për të motivuar veten dhe për të ecur drejt një qëllimi.
- Përditësim i herëpashershëm i tregut, duke mësuar çmimet e reja dhe ndërtimet, gjithçka që ka të bëjë me këtë fushë.
