‘Fancy Resto Lounge’ është një emër i njohur në kryeqytet. Jo rrallë herë kemi parë personazhet publikë teksa ndajnë me ne momente nga destinacioni në fjalë. Pak ditë më parë u shënua 1 vit nga hapja e Fancy-t si një nga vendet më ‘cool’ të qytetit tonë. Në një Tiranë të zhurmshme, ku baret, club-et, restorantet nuk mungojnë ‘lounge-i’ në fjalë bën diferencën.
Menaxheri i tij thekson se i gjithë investimi ka qenë i mirëmenduar dhe synimi kryesor ishte të sillnin disa shërbime në një vend, gjë që rrallëherë e gjejmë vërdallë. E dini çfarë tjetër është tërheqëse? Arredimi i shkëlqyer, për të cilin është punësuar një studio arkitekturore në Tiranë.
I vendosur krah të Presidencës, Fancy është destinacioni perfekt për të konsumuar një drekë ose darkë pranë miqve më të mirë, por edhe nëse nxiton për të kapur orarin e punës. Drejtuesit synojnë të promovojnë të ngrënurit ‘sport’, si mënyra më e mirë për të shfrytëzuar ato pak minuta pushim që gjithsecili ka gjatë ditës.
Cilësia e ushqimit është e padiskutueshme dhe kuzhina është kryesisht italiane e ndërthurur me francezen. Gjithçka e përgatitur nga një shef kuzhine që ka mbi 20 vite eksperiencë. Menaxheri i biznesit në fjalë ka zbuluar edhe disa surpriza për të gjithë ata që dëshirojnë të kenë kudo pak ‘fancy’. Shumë shpejt do të shtohet shërbimi ‘delivery’ dhe shërbimi i picave. Me kërkesë të shefit të kuzhinës, picat do të kthehen në një pjesë të rëndësishme të menusë.
Nëse nuk doni të konsumoni ushqim, keni shumë mundësi të tjera për të provuar pak nga ‘Fancy’. Një nga pikat e forta janë edhe kokteilet të cilat vijnë si specialitet i darkës të servirura në një larmishmëri gotash e formash. Vëmendja që i kushtohet çdo detaji i kthen kokteilet në vepra të vogla arti të cilat prezantojnë më së miri punën dhe pasionin e pakushtëzuar të stafit.
Muzika është një tjetër aspekt shumë i rëndësishëm për të argëtuar të gjithë klientët që zgjedhin ‘Fancy Resto Lounge’. Sidomos fundjavat janë shumë argëtuese pasi nuk mungon muzika live, me këngëtarët më të njohur shqiptarë dhe Dj më të suksesshëm. Ndër ta: Venera Lumani, Gerta Mahmutaj dhe Dj Sardi. Nëse dëshironi të dëgjoni muzikë të mirë, të argëtoheni në një ambient komod, me një staf të mrekullueshëm, ushqim të mirë dhe gjithçka tjetër ‘Fancy Resto Lounge’ është destinacioni që duhet të vizitoni.
Nëse nuk na besoni ne, besojuni atyre që doni më shumë dhe që e kanë destinacionin e ditës. Shumë personazhe publikë, ndër të cilët: Nevina Shtylla, Manjola Nallbani, Zaimina Vasjari, Sara Kolami, Joni Peçi, Rudina Dembacaj, Roza Lati, etj, kanë zgjedhur ‘Fancy Resto Lounge’ për të kaluar një pasdite, apo mbrëmje të bukur. Çmimet janë të përballueshme nga të gjithë, mjafton të mos mungojë dëshira për të kaluar disa orë të këndshme.
Nëse deri tani destinacionin perfekt të ditës suaj nuk e dinit, zgjidhjen ua japim ne. ‘Fancy Resto Lounge’ është vendi ku do të gjeni gjithçka dhe do të doni të riktheheni!/revistawho.com
