Kryebashkiaku i Tiranës Erion Veliaj dhe bashkëshortja e tij, Ajola Xoxa zgjodhën ditën e fëmijëve për të dhënë lajmin se së shpejti do të bëhen prindër.
Ndërkohë ditën e sotme, gjatë fjalës së tij para nisjes së garave “Rally” në sheshin “Nënë Tereza”, Veliaj ka folur për herë të parë për të birin.
“Shpresoj që çuni i vogël të lindë shëndoshë e mirë, por po e lashë me Edvin Kasimatin (Drejtor Gare) dhe me Juli Dhame (Presidente e Garës), do përfundojë këtu dhe do vijmë unë me Ajolën kur të jetë mosha ime, duke e tërhequr zvarrë për në shtëpi. Po e çova në këto drejtimet e tjera, besoj se do t’i futet dhe ai angazhimit publik. Por me një xhaxha si Kasimati dhe një hallë si Juli, them që në këto ambiente do ta shihni shumë shpejt”- tha kryebashkiaku.
Ndoshta është herët të flasim për pasionet e vogëlushit që ende nuk ka ardhur në jetë, por duke pasur parasysh aktivitetin e prindërve të tij, me siguri që do jetë tepër aktiv në jetën publike./revistawho.com
