Në dokumentarin e ri “The me you can’t see”, princ Harry ka zbuluar shumë të pathëna nga jeta e tij private, që nga jeta në familjen mbretërore, vendimi për t’u larguar e deri tek ardhja në jetë e Archiet. Në episodin e ri të dokumentarit, Harry ka treguar se një nga fjalët e para që tha Archie ishte “Gjyshe Diana”. “I kam lënë një foto të saj në dhomën e tij dhe ishte një ndër fjalët e para që tha. Përpos mama, papa, tha gjyshe, gjyshe Diana. Është gjëja më e bukur, por edhe më trishton”-tha Harry.
Harry publikoi edhe disa pamje të pa treguara më parë, ku Archie shihet duke luajtur në lisharëse dhe një tjetër duke peshkuar.
Për Dianën, Harry tha: “Do doja shumë që ajo ta kishte takuar Meghanin. Do doja të ishte aty për Archien. Jam shumë i zemëruar me atë që i ndodhi nënës sime dhe që nuk pati fare drejtësi”.
