Kur ishte hera e fundit që përqafuat prindërit tuaj, sepse ju dhanë një fëmijëri të paharruar? Kur ishte hera e fundit qe ju përqafuat nënën tuaj sepse ju gatoi ushqimin tuaj të preferuar? Apo kur ishte hera e fundit që ju falënderuat babain për telefonin të cilin bleu për ty?
Gjithmonë na ndodh të shpërfillim gjërat e rëndësishme në jetë. Duke u kapur pas gjërave të cilat nuk shkojnë mirë, harrojmë të vlerësojmë gjërat më të rëndësishme, për shembull prindërit tanë. Janë ata të cilët i kemi gjithmonë pas vetes ndoshta jo fizikisht por emocionalisht prindërit janë me ne. Nëse mendoni se nuk keni arsye të mjaftueshme për ti falënderuar ata, ne po ju tregojmë disa arsye të pamohueshme që tregojnë faktin se ju duhet ti falënderoni ata.
Ata të lindën
Arsyeja e vetme që ju jeni këtu, duke marrë frymë dhe të gjitha të tjerat, është për shkak të prindërve tuaj. Sikur të kishin vendosur se nuk dëshironin të të sillnin në këtë botë apo se janë të kënaqur vetëm me vëllain ose motrën tuaj të madhe, ju nuk do të ishit sot duke jetuar. Pavarësisht nga aksidentet e rastit (nëse e dini se çfarë dua të them), prindërit tuaj ishin mjaft të lumtur kur ju erdhët në jetë.
Sakrificat e tyre nuk njohin kufij
Prindërit e tu kanë sakrifikuar kaq shumë, gjysma e të cilave nuk mund të jeni të vetëdijshëm. Shpesh herë ata heqin dorë nga dëshirat e tyre për të plotësuar tuajat, madje kanë hequr edhe ushqimin nga goja e tyre. Dhe edhe pas gjithë kësaj, ata kurrë nuk të treguan ty këtë gjë. Por vazhdonin të qëndronin të buzëqeshur pranë jush.
Pavarësisht të gjithave ata ju duan
Nuk ka asgjë që mund të bëjë prindërit tuaj t’ju duan më pak. Dashuria e tyre nuk e sheh sa fiton, apo sa shpenzoni për ta. Prindërit nuk do t’ju qortojnë, sepse nuk mund t’i blini atyre një makinë, por sepse ju nuk i plotësuat vetës tuaj mundësitë.
Ata gjithmonë do të jenë kritikët tuaj më të mirë
Prindërit e tu janë ndër të paktit njerëz që do t’ju tregojnë se çfarë është e gabuar. Kur bën diçka të mirë, do të ketë qindra për t’ju përgëzuar dhe për t’ju lavdëruar, por nëse bëni diçka të gabuar, shumë nuk do t’ju tregojnë se ku keni shkuar gabim ose çfarë mund të ishte bërë ndryshe. Ndërsa prindërit do ta bënin këtë për ty. Ata do t’ju tërheqin vërejtjen para se të bini në një gropë, do t’ju njoftojnë para se të shkoni në një rrugë të gabuar, do t’ju informojnë para se të bëni një çmenduri . Nëqoftëse ju bëni një gol njerëzit do t’ju duartrokasin, por janë prindërit ata të cilët do të të çojnë tek trajneri për ndeshjen e ardhshme
Prindërit të bëjnë të ndihesh i sigurt.
Marrja e rreziqeve bëhet shumë më e lehtë, kur e dini se është dikush i cili qëndron përkrahë jush. Kjo është pikërisht ajo të cilën prindërit bëjnë gjithmonë. Ata ju bëjnë të ndiheni të mbrojtur, duke ju thënë se janë gjithmonë aty për ty. Ata mund të luftojnë mes vete, por do të qëndrojnë së bashku në fund të ditës për të qenë me ju. Prindërit ju ushqejnë në një flluskë sigurie, një shtresë mbrojtjeje që siguron që pas çdo gjëje që do të vijë, ju nuk jeni kurrë i vetëm. / revistawho.com
