Ndryshimet në ‘look’ nuk janë pasion vetëm i vajzave. Prej kohësh edhe djemtë i kushtojnë shumë rëndësi pamjes së jashtme, por këtu nuk përfshihet vetëm veshja. Me siguri ju kujtohet ndryshimi drastik i Majk dhe Seven Saraqit së fundmi. Të dy reperët u shfaqën me flokët biond dhe u duk sikur tiparet e tyre u theksuan më shumë duke i bërë të duken edhe më të bukur se më parë.
Pas tyre duket se erdhi radha e reperëve të tjerë, pasi edhe Mozzik me Onat u shfaqën me ndryshimin drastik në pamje duke lënë të kuptohet se janë frymëzuar nga kolegët e tyre. Edhe dy djemtë e tjerë janë pritur me shumë pozitivitet nga fansat, të cilët e kanë pëlqyer transformimin në pamje. Duket se dekolorimi i flokëve nga meshkujt po kthehet në trend, por kush do ta ketë radhën pas tyre? /revistawho.com
