Pas javësh të tëra thashethemesh dhe pyetjesh nga ndjekësit, Xheneta Fetahu më në fund vendosi të sqarojë gjithçka rreth “unazës misterioze” që kishte ngjallur kaq shumë komente në rrjet.
E ftuar në emisionin “Trotuar”, influencerja e njohur u shfaq në studio me unazën që i ishte dhuruar gjatë një propozimi për martesë — por, siç tregoi ajo vetë, historia pas saj nuk përfundoi me “po”.
“Nuk ka qenë çështje guri unaze, por çështje personi,” u shpreh Xheneta, duke sqaruar se nuk ishte madhësia apo shkëlqimi i gurit ajo që kishte rëndësi për të, por ndjenjat dhe personi që e dhuroi.
Nevina Shtylla, e pranishme në bisedë, nuk ngurroi ta ngacmonte:
“Ti ndërkohë je kthyer nga ato pushimet e famshme që u diskutuan e u diskutuan… më ke bërë edhe mua disa premtime, por hiç nuk i shoh të realizuara, i shoh duart bosh.”
Duke buzëqeshur, Xheneta ia ktheu:
“Jo, jo, Ina, mund ta përcjellësh, të kam premtuar që do ta sjell unazën. Por i kam thënë jo.”
Përballë pyetjeve të drejtpërdrejta të Nevinës, ajo e pranoi hapur se bëhej fjalë për një propozim të vërtetë, të cilin zgjodhi ta refuzojë me vendosmëri.
“Jo, do e doja nga një person tjetër,” tha ajo, duke treguar qartë se nuk ishte guri ai që mungonte, por ndoshta ndjenja e duhur.
Me humor, shtoi se një gur shumë i madh s’do i shkonte as dorës:
“Unë kam edhe gishtat e vegjël, nuk shkon një gur shumë shumë i madh.”
Në mes të bisedës, Xheneta ndau edhe një detaj nga marrëdhënia e saj aktuale, duke rrëfyer se partneri i kishte “hequr bllokun” pas një debati të vogël:
“I dashuri im më ka heq bllokun nga java e kaluar.”
Por menjëherë pas kësaj, ajo sqaroi se unaza që kishte me vete nuk kishte të bënte me partnerin aktual:
“Jo, kjo nuk ka qenë unaza nga i dashuri im, po të kishte qenë nga ai, i kisha thënë po.”
