J.Lo nuk di të ndalet! Pasi bëri namin me këngën “In the morning”, pas lançimit të markës së saj kozmetike, tani divën do ta shohim edhe si producente ekzekutive të një filmi në Netflix.
Lopez do të jetë producente dhe aktore në filmin “The Cipher”, një triller i bazuar në best seller-in e Isabella Madonado. Këngëtarja do të luajë rolin e Nina Guerrera, një agjente e FBI-së që ndjek çështjen e një vrasësi serial, i cili publikon kode komplekse online si pjesë e strategjisë.
“Mezi po pres për këtë”-është shprehur Lopez, e cila pavarësisht pandemisë që ka ndaluar një pjesë të madhe të produkteve në Hollywood, ka realizuar disa projekte si “Marry Me”, “The Godmother” dhe “Shotgun Wedding”.