Duket se historia e vjetër mes Jennifer Lopez dhe Drake nuk ka përfunduar përfundimisht. Sipas burimeve për “RadarOnline”, reperi kanadez po përpiqet të afrohet sërish me Lopez, tani që ajo është ndarë nga bashkëshorti i saj, Ben Affleck.
Ndonëse kanë kaluar afro dhjetë vite që nga momenti kur ata nisën të përfliteshin për një romancë – falë disa fotove të afërta të postuara në rrjetet sociale në vitin 2016 – duket se Drake nuk e ka harruar kurrë këngëtaren e famshme.
“Drake është përpjekur të jetë me të që nga momenti kur dëgjoi se Beni u largua”, tha një burim për RadarOnline.com.
Strategjia e tij këtë herë duket të jetë më e kujdesshme. Ai po e ndjek nga afër Lopez-in, duke qëndruar në kontakt dhe duke treguar kujdes, por pa ushtruar presion.
“Ai nuk donte të bëhej shumë i bezdisur dhe ta trembte atë, kështu që ai me të vërtetë u angazhua në rolin e shokut të kujdesshëm”, shpjegon burimi.
Sipas raportimeve, ndryshe nga mënyra e tij tipike, Drake nuk ka ndërmend të tërhiqet këtë herë.
“Zakonisht, Drake do të kishte hequr dorë dhe do të ndalonte së humburi kohën e tij, por ajo është një nga dëshirat e tij të të gjitha kohërave, kështu që ai nuk dëshiron të heqë dorë.”
Nga ana tjetër, Jennifer Lopez, tashmë 55 vjeçe, po e merr me qetësi gjithë këtë vëmendje. Ajo nuk është e nxituar të hyjë në një lidhje të re dhe duket se e shijon situatën pa e marrë shumë seriozisht.
“Ajo e njeh reputacionin e Drake me zonjat dhe po sigurohet që ajo të mos jetë vetëm një flirtim tjetër”, tha burimi. “Është argëtim i padëmshëm për të dhe ajo synon të mbajë kontaktet me të për aq kohë sa i pëlqen.”
