Një 66-vjeçar i diagnostikuar me HIV prej vitit 1988 është i shëruari i katërt në botë nga kjo sëmundje.
Ai i është nënshtruar një transplanti të palcës kurrizore për të trajtuar leuceminë nga një dhurues që ishte natyralisht rezistent ndaj virusit, dhe si rrjedhojë u shërua nga HIV-i. Tashmë pacienti i paidentifikuar nuk merr më mjekime për HIV
Ai është shprehur i lumtur që virusi nuk mund të gjendej më në trupin e tij.
“Kur u diagnostikova me HIV në 1988, si shumë të tjerë, mendova se ishte një dënim me vdekje. Nuk e kisha menduar kurrë se do të jetoja deri në ditën që nuk do të kisha më HIV”, tha 66-vjeçari.
Megjithatë, ai nuk u trajtua për HIV, por leucemi në gjak, nga e cila u diagnostikua 3 vjet më parë.
Ekipi mjekësor tha se ai kishte nevojë për një transplant të palcës kockore për të zëvendësuar qelizat e tij kancerogjene të gjakut, ndërsa rastësisht doli që dhuruesi ishte rezistent ndaj HIV.
Sipas qendrës së kancerit në Los Angeles, i moshuari kreu transplantin 3 vjet e gjysmë më parë dhe ka qenë në trajtim për HIV për 17 muaj.
