Dua Lipa është kthyer në inspirim mode me veshjet e saj të fundit. Tashmë postimet në Instagram nuk janë vetëm nga koncertet apo projektet muzikore, por çdo ditë këngëtarja na shfaqet me një stil të ri. Së fundmi Dua ka postuar disa foto nga pushimet dhe në darkë ka festuar me shoqërinë, por veshja e saj ka marrë goxha vëmendje. Dua kishte veshur një body të zi, me mëngë të gjata dhe golf, por pjesa më e çuditshme ishin të çarat nga pjesa e dekoltesë deri tek barku dhe në njërën kofshë. Të çarat mbaheshin me njëra-tjetrën përmes disa lidhëseve. Këtë veshje Dua e kishte kombinuar me kambale të zeza, bizhuteri të shumta dhe flokët e kapur gërshet ndërsa makeupi dukej shumë i lehtë.
