Që nga fillimi i saj, Dua Lipa, ka qenë shumë aktive në muzikë. Mund të themi se ajo i ka ngjitur me shpejtësi shkallët e karrierës e madje ja ka dalë mbanë të cilësohet si një ndër këngëtaret më të mira në botë. Gjatë këtij viti ajo ka fituar jo vetëm dashurinë e publikut, por edhe disa çmime shumë të rëndësishme muzikore. Mund të përmendim këtu dy çmimet që ka fituar në ‘Brit Awards’ si ‘Këngëtarja më e mirë femër’ dhe ‘Këngëtarja më e mirë e re’.
Së fundmi ajo ka publikuar dhe një bashkëpunim mjaft të realizuar me Calvin Harris. Duke renditur kaq shumë suksese nuk është çudi në fakt që ajo të renditet edhe si një ndër këngëtaret më të dëgjuara në mbarë botën. Dua ka njoftuar në ‘Instagram’-in e saj se në platformën ‘Spotify’ renditet e treta si këngëtarja më e dëgjuar, me afro 42 milionë dëgjues gjatë një muaji. “Artistja e tretë më e dëgjuar në botë në ‘Spotify’. A mund ta besoni. Faleminderit shumë të gjithëve!”, – ka shkruar ajo. Me siguri ky vit shënon kulmin në karrierën e këngëtares me origjinë shqiptare. /revistawho.com
