Prej kohësh Dua Lipa është në një lidhje me Anwar Hadid, vëllain e motrave Bella dhe Gigi Hadid. Këngëtarja shqiptare dhe Anwar duken shumë të lumtur krah njëri-tjetrit dhe nuk mungojnë postimet plot dashuri në rrjete sociale. Madje gjërat mes tyre janë bërë serioze pasi Dua e ka takuar tashmë familjen e partnerit dhe ruan një marrëdhënie shumë të mirë. Kjo shihet edhe nga gjesti i fundit i këngëtares. Sot babai i Anwar-it, Mohamed Hadid feston ditëlindjen dhe Dua ka zgjedhur ta urojë publikisht. Ajo publikoi një foto të “vjehrrit” me Anwar-in dhe shkroi: “Gëzuar ditëlindjen”, shoqëruar me disa zemra. Mesa duket Mohamed-it i është bërë qejfi nga ky gjest i “nuses” dhe e ka publikuar urimin e saj në profilin e tij në Instagram.
