Dua Lipa ka realizuar një video për “Vogue France” teksa shijon gatime franceze nga një prej shefeve më të njohura franceze. Ajo kujton fëmijërinë dhe tregon se nuk ka patur naze prandaj ha gjithçka.
“Kur isha fëmijë s’më lejonin të bëja naze kështu që në fakt ha gjithçka. Kam provuar tru, gjuhë, eskargo (kërmij). Këmbë bretkose s’kam provuar ende. Por do e bëja”.
Madje nuk ngurron të provojë edhe një gatim që s’e ka ngrënë më parë: mish pëllumbi.
“Është i shijshëm”, shprehet ajo.
Megjithatë ka diçka që Dua nuk e ha e për këtë edhe vetë çuditet.
“Çdo gjë që njerëzit thonë: ‘S’dua ta provoj’, unë them do ta provoj dhe nëse më pëlqen, do ta mbaroj. Ka gjëra të caktuara, shije të caktuara që më duken të forta si selinoja, çuditërisht. Përveç saj, ha pak a shumë gjithçka. Nuk diskriminoj”.
