Këngëtarja shqiptare me famë botërore, Dua Lipa po ndërton një rezidencë miliona dollarëshe në Sarandë, sipas një burimi për Page Six.
Sipas burimit, shtëpia e re në qytetin bregdetar do të ketë pamje madhështore nga deti Jon.
Këngëtarja e lindur në Britani nga prindër emigrantë shqiptarë, Anesa dhe Dukagjin Lipa, iu dha nënshtetësia shqiptare në nëntor nga presidenti Bajram Begaj.
Ajo jetoi në Kosovë me familjen e saj nga mosha 11-15 vjeç, duke thënë për NPR , “Unë nuk do ta ndryshoja atë për botën sepse me të vërtetë më ndihmoi të bëhesha kjo që jam”.
Në vitin 2016, këngëtarja dhe babai i saj themeluan fondacionin “Sunny Hill” për të mbledhur fonde me koncerte vjetore në Shqipëri për të ndihmuar njerëzit që përjetojnë vështirësi financiare.
