Dukesha Meghan Markle u bë pjesë e familjes mbretërore zyrtarisht si një nuse e re vitin që shkoi dhe sot është nënë e një djali që i ka bërë të lumtur të gjithë.
Ajo ja ka dedikuar këtë verë rritjes së Archie dhe po qëndron larg kamerave aq sa mundet duke shmangur një pjesë të mirë të daljeve publike krah bashkëshortit, Princ Harry.
Megjithatë burime pranë pallatit kanë zbuluar se nëna e re dhe i vogli i saj kanë në plan të ‘arratisen’ për pak ditë pushimi pranë Mbretëreshës në pronën e saj në Skoci. Ky pritet të jetë pushimi i vetëm për Dukeshën, e cila siç ka zbuluar ‘People’, ndjek gjithmonë një traditë kur udhëton. Bëhet fjalë për librat. Meghan Markle gjen gjithmonë një titull të ri për ta lexuar dhe përgjithësisht janë libra që ndikojnë në mënyrën e të menduarit dhe japin pozitivitet.
Këtë zgjedhje Meghan e ka bërë gjithmonë madje edhe kur nuk e kishte njohur ende princin e saj.
Disa gjëra mesa duket nuk ndryshojnë kurrë. / revistawho.com
