Spektakli i humorit ‘Duplex’, këtë të shtunë do ju mbajë mbërthyer para ekranit. Që prej orës 20:05, do të nisë argëtimi me aktorët e njohur të humorit. Në drejtimin e Turjan Hyskos, i cili jep komandat për të zhvilluar skeçet e spektaklit, Julian Deda, Visjan Ukcenaj, Albano Bogdo etj, do bëjnë publikun të argëtohet me aktrimin që vjen natyrshëm.
Burime për ‘RevistaWho.Com’, kanë zbuluar se të ftuarat e kësaj jave do të jenë Grida Duma dhe Egla Ceno. Ish-deputetja Dumo është një nga figurat më të njohura të politikës shqiptare dhe këtë të shtunë do e shohim jashtë kornizës serioze që i vesh natyrshëm profesioni i saj. Ajo do i bashkohet trupës së ‘Duplex’ për të realizuar një skeç argëtues.
Ndërsa Egla është padyshim një nga aktoret më të mira të teatrit shqiptar. Ajo do të jetë në fushën e saj dhe do i duhet të bëhet pjesë e trupës së aktorëve për të argëtuar publikun.
Edhe kjo e shtunë do të jetë e mbushur me të papritura, prandaj bëhuni gati të qeshni pafund në shoqërinë e ‘Duplex’ të shtunën mbrëma në ekranin i ‘Klan Tv’. /revistawho.com
