Jona Spahiu u bë nënë për herë të parë në shtator të vitit që shkoi dhe pak pasi Raiden erdhi në jetë u njohëm me imazhin e tij. I vogli rritet çdo ditë dhe prindërit, veçanërisht moderatorja e njohur kujdesen që të jetë i shëndetshëm dhe të ketë gjithçka i nevojitet.
Si çdo prind edhe Jona ka nisur të planifikojë të ardhmen për të. Me anë të një postimi në ‘Instagram’ ku shfaqet e veshur bukur dhe me stil siç e kemi parë zakonisht, moderatorja ka treguar me shaka si do të duket pas një mbledhjeje me prindër.
“Kjo jam unë pas një mbledhjeje me prindër kur kam kuptuar se ‘molla’ nuk ka rënë larg pemës”,-shkruan Jona, duke lënë të kuptohet se Raiden i ngjan shumë asaj dhe këtë e ka kuptuar që tani.
Edhe njëherë tjetër me foton e publikuar, e pamë moderatoren në super formë fizike dhe njësoj të bukur dhe trendy siç e kemi parë që në fillimet e saj në televizion. /revistawho.com
