‘Duplex’ ka puntatën e radhës mbrëmjen e së shtunës dhe të gjithë po presim me padurim surprizat e kësaj jave. Sigurisht humori do të jetë qendra e programit, po ashtu edhe argëtimi nga spontaniteti që karakterizon aktorët e humorit. Edhe këtë javë nuk do mungojnë të ftuarit specialë. Nesër do kemi shanse të shohim Elgit Dodën dhe Rudina Xhungën në një tjetër dimension nga ai i zakonshmi.
Rudina do lërë pas seriozitetin që transmeton zakonisht në ekran për t’ju bashkuar skeçeve dhe humorit të aktorëve. Ndërsa Elgit Doda do bëhet pjesë e trupës duke interpretuar krah tyre dhe duke argëtuar publikun që e pëlqen shumë.
Edhe kjo e shtunë ka shumë surpriza për të gjithë ju kështu që mos harroni, në orën 20:05 duhet të jeni të gjithë para ekranit të ‘Klan Tv’. /revistawho.com
