Prej ditës së djeshme fjalimi i Kryetares së Forumit Rinor të Partisë Socialiste Joleza Koka është bërë hit në internet. Koka mbajti një fjalim në një aktivitet të Partisë Socialiste për shpërndarjen e teserave për anëtarët e rinj ku ishin të pranishëm edhe disa ministra. Siç shihet edhe nga video, shefja e të rinjve socialistë nuk kishte zgjedhur fjalët e duhura për të përcjellë mesazhin e saj, duke i habitur të gjithë e më së shumti Ministrin e Brendshëm Saimir Tahiri. Të shumtë ishin ata që pasi panë videon në internet, e akuzuan të renë se nuk i kish dalë ende pija e një nate më parë. E revoltuar që nuk u kuptua dhe sipas saj që “u përdor”, Joleza ka shpërthyer në “Facebook” duke shkruar: Jam kënaqur këto dy ditë me këtë gallatën sepse nëpërmjet kësaj evidentohen 3 lloj karakteresh: Karakteri i parë janë të rinjtë që fjalimin tim e kritikojnë si të jenë kryekomunarët e portokallisë, njerëz më të vjeter në mentalitet dhe se prindërit e tyre. Të dytët në liste janë gazetarët e PD-së, të cilet duke qenë se pronarët i kanë vënë të prodhojnë lajme vetëm për hiret (e Çiljetës), meqenëse në portalet e tyre vetëm ato lajme klikohen, çdo video apo shkrim e lexojnë sipas fantazive rozë të pronarëve të tyre. Dua të ripërsëris atë që kam thënë këtu, në Shqipëri në harkun kohor të dhjetë orëve mund të shkëmbehesh me kryetarë bashkie, ministra, kryeministra etj, ku në një hapësirë 2 km2 jeton dhe punon gjithë aparatura e shtetit nuk duhet me e marrë veten shumë seriozisht. Është për të ardhur keq ndonjëhere që ambiciet e aspirant politikanëve i kalojnë dhe shtrirjen gjeografike të Shqipërisë. Sa për shtëpitë e ministrave gjysma e këtyre kritikëve i dinë shumë mirë se i kanë çuar të paktën një herë prindërit me nga një CV në doreë t’i presin tek dera. (ja dhe karakteri i 3-të!) Që kështu javë të mbarë, pa strese, suksese në punën tuaj dhe më gjerë. Edhe një herë për kënaqësinë e atyre që se kanë pare, më poshte video”, ka shkruar Kryetarja e FRESSH.
https://youtu.be/Tzuyy3mKYFc
