Ata ishin një nga çiftet finalistë të këtij edicioni të “Big Brother 9”. Ndonëse nuk fituan çmimin e madh, jashtë dyerve të shtëpisë u shfaqën më të dashuruar se kurrë. Por sot Fjorentina ka dhënë lajmin që marrëdhënia e saj me Olsi ka përfunduar. Nuk ka dhënë asnjë arsye përse çifti vendosi të marrë një vendim të tillë por ndër të tjera thotë: “Të dashur miq, me keqardhje ju them që unë dhe Olsi nuk jemi më bashkë. Po ju shkruaj dhe deklaroj pasi ju na keni mbështetur tërë këtë kohë dhe keni pasur besim te ne. Faleminderit për çdo gjë!”
Prej disa ditësh u përfol për një krisje të marrëdhënies së tyre për shkak se nuk po kalonin aq kohë sa duhej së bashku. Këto deklarata çifti i përgënjeshtroi por mesa duket e vërteta doli në dritë. Olsi dhe Fjorentina nuk janë më bashkë!/revistawho.com
