E diela në përgjithësi njihet si dita e familjes, kur të gjithë bëhen bashkë për të shijuar qoftë një vakt të ngrohtë ose një udhëtim të këndshëm. Duke qenë se të gjithë prindërit e kanë të vështirë t’u përkushtohen plotësisht fëmijëve gjatë javës, ditën e diel lënë çdo punë për të kaluar pjesën më të madhe të orëve me ta. Edhe personazhet e njohur shqiptarë e kanë kthyer si një lloj tradite që çdo të diel ta kalojnë me fëmijët e tyre. Ditën e sotme, disa prej tyre zgjodhën kinemanë, për të shijuar një film bashkë me të vegjlit. Ndërsa pjesa tjetër zgjodhi “të arratisej” diku familjarisht, për t’u relaksuar dhe pse jo për t’u larguar pak nga rutina e përditshme. /revistawho.com
