Marrëdhëniet mes çifteve nuk janë përherë të lehta, madje ato kushtëzohen shpesh nga mënyra si jemi rritur apo detaje të tjera që lidhen me të shkuarën dhe atë që na ka ndikuar nga ngjarjet e jetës, apo familjes. Sipas një studimi të ‘Saint Louis University’ në SHBA, kur përjetojmë një ndarje nga partneri një sasi shumë e madhe dopamine prodhohet në trup. Studiuesit besojnë se mekanizmi i trurit tonë është i përfshirë në një proces natyral që selekton dhe ndihmon njerëzit që të dalin nga një periudhe e errët dhe me emocione negative. Sekreti? Mëso t’i shohësh pengesat si mundësi dhe rritu duke mësuar të jetosh në të tashmën.
Për ata që nuk e dinë, kur jeni të dashuruar truri ka të njëjtin aktivitet që të nxit përdorimi i kokainës, ndaj kur ndaheni, duhet të detoksifikoni trupin. Dopamina ndihmon në procesin që quhet ‘vetë ngushëllim i trupit’.
Jepini vetes kohë. Në raste ndarjesh është e rëndësishme që të vuani pak dhe ta nxirrini atë ndjesi nga sistemi. Mos kini frikë të shprehni frikë, inat, mërzi. Për të liruar këtë tension mund të merreni me sport ose dilni nga shtëpi dhe shijoni ditën, takoni njerëz, thjesht lëvizni.
Po kur ndiheni të vetmuar? Një nga gjërat më të mira që askush nuk na e mësoi është të duam vetminë dhe ta shijojmë atë, pra kohën me veten. Dil për kafe vetëm, shëtit vetëm, bëji këto gjëra që të kuptosh vetveten.
Zhgënjimet në dashuri na japin një mësim Kuptoni çfarë duhet t’i nxirrni asaj që latë pas dhe pasi të bësh këtë, prano dhimbjen dhe dizenjo të ardhmen në mendjen tënde me të qeshura dhe lumturi. Nëse të ndihmon mund edhe ta shkruash./revistawho.com
