Historia e Luizit ka bërë që prej natës së mbrëmshme, xhiron e rrjetit. Mes dilemave, gënjeu apo jo, duket se rrjeti është i ndarë në dy pjesë. Një pjesë i beson Luizit dhe e mbështet atë dhe një pjesë tjetër që mendon se ishte lojë e pistë e tij. Në këtë rreth është përfshirë dashur-padashur edhe Kiara. Ajo ka reaguar ashpër kundrejt Luizit duke i mbyllur çdo derë për komunikim. Për këtë situatë kanë reaguar edhe prindërit e moderatores.
Në një intervistë për “Ftesë në 5”, mamaja dhe babai i Kiarës u shprehën se ishin shqetësuar në fillim për Luizin teksa për të bijën thonë se duhet të kishte qenë e prerë që në fillim.
“Me thënë të drejtën, unë u shokova. E besova, më vinte keq për Kiarën. Luizi e fitoi besimin e Kiarës, ai është një lojtar shumë i fortë, por duhet të ketë kujdes…se këmbënguljen nga cinizmi e ndan një vijë e hollë. Ai m’u duk cinik. Kiara m’u duk pak e ekzagjëruar. Duhet të ishte më e prerë që në fillim”, tha Arbër Tito.
“Ne u shqetësuam jashtëzakonisht me thënë të drejtën për Luizin. Nuk u përqendruam shumë në marrëdhënien mes tyre. Ne menduam që Kiara të hiqte dorë që dje nga lekët për të ndihmuar Luizin. Mua më prek më shumë kur lexoj sharjet për Kiarën në rrjete sociale, se ajo nuk i meriton.”ka thënë Blerta, mamaja e Kiarës.
