Një vajzë katër vjeçare në Siberi ka ecur tetë kilometra nëpër një pyll me dëborë për të kërkuar ndihmë për gjyshen e saj të sëmurë, e cila më vonë vdiq nga një atak në zemër.
Pasi u zgjua dhe gjeti të moshuarën pa ndjenja, vogëlushja sfidoi kërcënimin e ujqërve dhe temperaturat nën zero duke kaluar përmes pyllit në rajonin e largët të Rusisë jugore, raporton “The Independent”.
Edhe pse kishte udhëtuar në këmbë në temperatura mesatare -26 °C, vajza mbërriti shëndoshë e mirë në qytetin me të afërt dhe kërkoi ndihmë.
Ajo vuante nga ‘hipotermia e përgjithshme” por nuk kishte pësuar asnjë efekt të rrezikshëm për jetën.
Saglana jeton vetëm me gjyshen e saj të moshuar dhe gjyshin e saj të verbër, shkruan ‘Syri.net’.
Si rezultat i kësaj, nëna e vajzës është vënë menjëherë nën akuza penale nga Departamenti i Hetimeve të Republikës së Tuvas, një federatë ruse që ndan kufirin e saj jugor me Kinën.
Ajo akuzohet se ka vënë një të mitur në rrezik, nën kujdesin e të moshuarve./SYRI.net/
