Ditën e djeshme bashkëshortja e William Levy, aktorja Elizabeth Gutierrez, festoi 39-vjetorin e saj në një jaht mjaft luksoz mes miqve dhe të afërmve të saj. Ajo që tërhoqi më shumë vëmendje nga kjo ditë e veçantë për të ishte urimi që bashkëshorti i saj bëri publikisht në ‘Instagram’. Ai postoi vetëm një foto ku dyshja dukeshin mjaft të lumtur dhe e shoqëroi me disa emoji të cilat simbolizonin festën, pa shkruar asgjë më tepër. Për këtë gjë ai u kritikua ashpër nga fansat të cilët duket se nuk i kanë kursyer komentet negative. Lidhur me këtë situatë të pakëndshme William i është përgjigjur njërit prej komentuesve të cilit i ka thënë se ai nuk e shpreh dashurinë e tij për bashkëshorten që ta shohë bota.
“Për të gjithë ata që presin t’i them gruas time ato që kam për t’ia thënë në ‘Instagram’, më
lini t’ju tregoj se jeni gabim. Ato që kam për t’ia thënë ja them personalisht, pasi dhe ne kemi
një jetë private. Qëllimi i fotos ishte për të ndarë diçka me ndjekësit tanë. Jeta jonë nuk është
një ‘reality show’. Zoti ju bekoftë”, ka shkruar William Levy. /revistawho.com
