Xheneta Fetahu ka zgjedhur të flasë pa filtra për emocionet dhe përjetimet që e kanë shoqëruar pas përfundimit të “Big Brother VIP Albania”. E ftuar në emisionin “Se luan topi”, ajo pranoi se historia me Gjestin nuk ka qenë thjesht një “lojë televizive”, por një ndjenjë e vërtetë që ajo është përpjekur ta ndalojë.
“Kam qenë rrugës për t’u dashuruar dhe e kam ndal veten,” – rrëfeu ajo.
Edhe pse nuk përmendi hapur emrin e Gjestit, gjithçka dukej e qartë për publikun. “Nuk e përmend emrin se nuk dua të mendojë se dua klikime. Mua më dhemb zemra kur mendoj atë Gjestin me aq energji që më falte mua aq shumë dashuri, ta shoh në atë gjendje. ” – u shpreh ajo.
“Kam ndier diçka brenda, por nuk doja ta pranoja. Nuk e duroja dot kur banorët e tjerë i gjuheshin për fajin tim. Ai donte veç paqe e dashuri. Ka qenë një njeri plot jetë. Vetëm këndonte.” – tha ajo me emocion.
Gjatë intervistës, ajo u ndal edhe te marrëdhënia e Gjestit me Eglin, që u komentua gjerësisht në rrjete. “Nuk e di nëse ka luajtur me mua apo me personin tjetër (Eglin). Sepse dy njerëz njëkohësisht nuk mund t’i pëlqesh” – u shpreh ajo, duke shtuar se ende nuk është e sigurt nëse ndjenjat e tij kanë qenë të sinqerta.
Megjithatë, pavarësisht zhgënjimeve, Xheneta ruan respektin për të: “Unë me atë person dua thjesht të kem respekt, sepse në momentet e mia më të vështira ai ka qenë aty, dhe për këtë jam mirënjohëse gjithë jetën.”
Në fund, ish-banorja pranoi se përpiqet të mos ndikohet më nga çfarë është thënë apo bërë brenda shtëpisë së famshme.
“Unë mbyll sytë dhe veshët për çfarë ka thënë në Big Brother VIP Albania, sepse e ka bërë për lojën. Por, s’mund ta mohoj që më ka lënduar ta shoh aty, duke bërë të njëjtat gjëra që më bënte mua.”
