Partitë politike kanë bërë publikë emrat e kandidatëve për zgjedhjet e qershorit.
Në listën e PS-së, për Tiranën, në krye ishte Elona Gjebrea, një emër që, megjithëse Elona është zëvendësministre prej katër vitesh, nuk është shumë e njohur. Nuk mund të themi të njëjtën gjë për mbiemrin sepse të gjithë e dinë kush është Ardit Gjebrea. Sigurisht, si shqiptarë që jemi, kemi menduar menjëherë, nëse Elona dhe Arditi kanë një marrëdhënie familjare a u përkasin fiseve të ndryshme që kanë të përbashkët, vetëm mbiemrin.
Gjithmonë si shqiptarë që jemi, e vërteta, që ka konfirmuar Tirana Post duke u treguar e vëmendshme ndaj programeve dhe publikimeve të Ardit Gjebreas, do na duket interesante. Arditi dhe Elona janë kushërinj të afërt, fëmijë xhaxhallarësh, shkruan sot “Class”.
Elona Gjebrea, e cila prej 5 tetorit 2013, është emëruar në pozicionin e zv/Ministres së Punëve të Brendshme dhe Kordinatore Kombëtare për Luftën Kundër Trafikimit të Qënieve Njerëzore ka qenë e ftuar te E diela shqiptare, për të folur mbi temën e trafikimit.
Ndërkohë, Arditi na e ka prezantuar si vajzën e tij të xhaxhait edhe në një foto personale me kushërinjtë e fisit Gjebrea, gjetur nga Tirana Post.
