Monika dhe Lorik Cana janë padyshim një nga çiftet më të dashur të showbiz-it shqiptar dhe ndër më të diskutuarit. Megjithëse bashkëshortja e tij nuk është me origjinë shqiptare ajo është përshtatur shumë mirë me jetesën në vendin tonë, pasi këtu jeton pjesën më të madhe të kohës. Monika flet me shumë emocion për Shqipërinë dhe për vendlindjen e bashkëshortit të saj, jo më kot gjatë një bashkëbisedimi të para pak orëve me ndjekësit në ‘Instagram’ ajo nuk i ka shmangur pyetjet që lidhen me vendin tonë. Ajo ka treguar se Shqipëria është shtëpia e saj e dytë dhe i pëlqen shumë të jetojë këtu.
Më tej një nga pyetjet që i është drejtuar ka qenë: “A është Loriku dashuria jote e parë?”.
Monika ka zgjedhur të përgjigjet në mënyrën më të bukur duke transmetuar një mesazh për të gjitha femrat. “Kur je e vogël mendon se ke gjetur dashurinë, por më pas rritesh dhe vetëm kur gjen mashkullin me të cilin do të ndërtosh familjen, pa të cilin nuk e imagjinon dot të jetosh as edhe një ditë sepse të mungon fryma, vetëm atëherë e ke gjetur dashurinë e parë dhe të vetme”,-shkruan ajo.
Mënyra si Monika ka zgjedhur të shprehë dashurinë për babain e djalit të saj, tregon gjithçka për marrëdhënien mes tyre. Me siguri shumë do të donin të ishin në vendin e saj. /revistawho.com
