Ndonëse të gjithë kanë shpresuar në një pajtim, mes Enca Haxhiajt dhe Noizyt “sherri” po vazhdon dhe dy artistët nuk ia kursejnë “thumbat” njëri-tjetrit.
Hera herës ata publikojnë mesazhe në rrjetet sociale, apo në deklaratat e tyre në publik, të cilat interpretohen si të drejtuara ndaj Encës apo Noizyt. Por këngëtarja duket se ka bërë një këngë të tërë dedikuar kësaj marrëdhënieje, atë me titull “Ciao”.
Të paktën kështu kanë kuptuar fansat e saj tekstin, që është shkruar nga vetë Enca. Në një video live në Instagram, këngëtarja ka shpjeguar gjithçka për këtë këngë dhe nëse është apo jo një diss për Noizyn dhe OTR-në.
Enca ka treguar se ka qenë një inspirim i momentit dhe këtë këngë e ka bërë, pasi është frymëzuar për gjithë këto që i kanë ndodhur dhe si është ndjerë këto muaj.
Kënga flet për momentet që ajo kalon me shoqërinë, apo ndonjëherë kur ndihesh e mërzitur, e lënduar për shkak të atij “motherf*cker”, por në fund të ditës ti kupton se rrethohesh nga njerëz që të duan”, shprehet Enca.
Në minutën 01:49 të “Ciao” është një pjesë ku Enca thotë, “Ata folin bla bla bla, neve ja bëjmë ha ha ha”, frazë që mendohet se i dedikohet OTR-së. Enca në “Live Video” u shpreh se në këtë këngë ka thënë gjithçka, por në një mënyrë më të ëmbël, shkruan “Xing”.
