Michael B. Jordan u shpall “Burri më seksi i vitit 2020”, nga revista “People”, një titull ky që aktori nuk e priste aspak. Në një intervistë për revistën prestigjioze, Jordan u shpreh se nuk e kishte menduar kurrë se do ta merrte titullin si “Burri më seksi i vitit” dhe sipas tij as të tjerët nuk e besonin këtë.
Kështu Jordan rrëzoi nga froni këngëtarin John Legend. Ky i fundit e ka pritur me shumë humor dhe ka reaguar me një status në rrjete sociale.
“Urime vëllai im Michael! Dhe faleminderit! Tani mund të vazhdoj i qetë të shtoj peshë nga karantina, pa presionin për të mbajtur një titull”-ka shkruar Legend.
Ndërkohë John Legend dhe bashkëshortja e tij kanë kaluar një periudhë të vështirë pas humbjes së fëmijës së tyre të tretë.
