Ajo njihet për një sërë baladash dhe bashkëpunimesh të suksesshme, edhe prej vitesh i është dedikuar biznesit të saj dhe një jete jashtë vëmendjes së publikut.
Ama, Rezarta Shkurta e paska edhe një këngë lamtumire, përpara se t’i thotë lamtumirën përfundimtare këtij profesioni.
Këngëtarja, e ndjekur nga mbi një milion njerëz në Instagram ka treguar së fundmi se do të realizojë një këngë të fundit dhe se me këtë do të mbyllë karrierën e saj shumëvjeçare.
“Po sikur të iu them që do jetë një këngë e fundit. Mbyllje e një kapitulli sa të bukur aq dhe të vështirë për mua”, ka treguar Rezarta në një story të saj.
Rikthimi me një projekt të ri po vjen pas thuajse pesë vitesh, me prurjen e fundit dedikuar bashkëshortit të saj, Ermal Hoxhës.
