Valbona Selimllari as nuk ka ndërmend të zbresë nga podiumi i më të bukurave shqiptare. Dhe këtë nuk e ka kërkuar ajo vetë, por e ka vendosur publiku që e do dhe e ndjek njësoj (mbase edhe më tepër) se në 1992-in kur mori kurorën e më të bukurës shqiptare. E njëjta mbetet Valbona edhe pse ka peshën e viteve mbi kurriz, e tashmë është nënë e tre fëmijëve. Pa ndryshime të tipareve apo ndërhyrje nga këto të kohëve moderne që po i shohim t’i aplikojnë shumë vajza e gra. Valbona ka vendosur që të mos bëjë asgjë për ta tepruar, por ca mirëmbajtje të vogla i realizon herë pas here. Edhe pse bukuria, e freskia e pamjes së jashtme ndikohen shumë nga gjenetika, faktorët e jashtëm, ushqimi e ushtrimet fizike, ka edhe diçka tjetër që mund ta bëjmë dhe për të kontribuar në qëndrimin në formë të mirë.
Valbona realizon herë pas herë trajtime në fytyrë dhe trup duke i dhënë pak freski lëkurës. Një shembull shumë i mirë që mund ta ndjekë çdo vajzë dhe grua, si një formë investimi për të qenë në formë. E kur e sugjeron më e bukura shqiptare, pse ta kundërshtojmë?/revistawho.com
