Khaby është një djalë 21-vjeçar që e ka origjinën nga Senegali, por jeton në Chivasso, Itali. Ai u bë krejt papritur i famshëm pasi videot e profilit të tij në ‘Tik Tok’ u shpërndanë shumë. Kur nisi pandemia, djaloshi që punonte me makineritë numerike, ngeli pa punë dhe nisi të bënte video. Sot, ka 11 milionë ndjekës në ‘Tik Tok’ dhe më shumë se 8 milionë në ‘Instagram’, ndërsa disa prej videove të tij kanë mbi 200 milionë klikime.
Së fundmi, Khaby ja ka kaluar për nga numri i ndjekësve edhe themeluesit të ‘Facebook’, Mark Zuckerberg, i cili ka 7.4 milionë ndjekës. Sigurisht për këtë fakt bëri një video të veçantë. Ama ky postim nuk i shpëtoi miliarderit që reagoi duke i dërguar një emoji aprovues. Interneti po shpërthen nga ky koment ndërsa i riu vetëm sa po e shton famën.
Do thoni ju çfarë ka të veçantë Khaby? Ai merr video që tregojnë se si mund të ndryshosh gjëra në mënyra brilante që të lehtësosh jetën në përditshmëri, duke përfshirë edhe video si priten limonët apo gjëra të ngjashme. Këto sekuenca i bashkon me reagime të vetat me mimikë dhe me veprime duke treguar se nuk ka asgjë brilante tek këto video dhe përditshmëria ka zgjidhje më të thjeshta. Pa fjalë, por vetëm me figurë, Khaby po bën namin. Ca do thoshin që pati fat…/revistawho.com
